Matarhátíðin Local Food Festival verður haldin laugardaginn 16. mars 2019.
Klúbbur matreiðslumeistara á Norðurlandi, standa fyrir „Matvælasýningunni Local Food festival á Norðurlandi“ laugardaginn 16. mars 2019.
Til stendur að Matarkistan Skagafjörður verði með bás á matarhátíðinni og hvetjum við alla meðlimi Matarkistunnar til þess að skrá sig og taka þátt.
Búið er að taka frá Menningarhúsið Hof fyrir sýninguna að þessu sinni. Sýningin endurspeglar hinn mikla styrk Norðurlands sem stærsta matvælaframleiðslusvæðis landsins og er því kjörinn kynningarvettvangur fyrirtækja og einstaklinga til að vekja athygli á framleiðslu, matarmenningu, veitingastarfsemi, matartengdri ferðaþjónustu og verslun á þessu sviði.
Lögð er áhersla á að Local Food sýningin sé skemmtileg og eru skipulagðir viðburðir s.s. hinar ýmsu matreiðslukeppnir þar sem fagfólk og almenningur spreytir sig með hráefni úr héraði.
Dagurinn verður kynntur ítarlega í fjölmiðlum m.a. með auglýsingum í sjónvarpi, útvarpi og blöðum, auk þess að gefið verður út 16-24 síðna kynningarblað sem dreift verður á Norðurlandi í tilefni dagsins. Má því búast við að Local food hátíðin á Norðurlandi veki töluverða athygli almennings og fyrirtækja á svæðinu.
Þess er vænst að fyrirtæki og stofnanir í matvælageiranum á Norðurlandi, meistarar, birgjar og samstarfs- og söluaðilar taki virkan þátt í deginum og undirbúningi hans.
Síðast mættu um 15 þúsund gestir á Local food sýninguna og yfir 30 fyrirtæki kynntu framleiðslu sína.
Áhersla er lögð á að sýningin er kynningar- og sölusýning! Aðgangur er að sjálfsögðu ókeypis.
______________________________________________________________________________________________________________________
EDEN GÆÐAÁFANGASTAÐIR - European Destination of Excellence
Sveitarfélagið Skagafjörður valið sem Gæðaáfangastaður Íslands 2015 vegna verkefnisins Matarkistan Skagafjörður
Í desember 2015 fóru fulltrúar frá Matarkistunni til Brussel á Alþjóðlega ferðamáladaginn til að kynna áfangastaðinn Skagafjörð í tengslum við útnefningu svæðisins sem Gæðaáfangastaðar Íslands 2015. Við það tilefni var þetta myndband útbúið fyrir kynningu á svæðinu. Myndir frá verðlaunaafhendingunni má finna hér. Til að kynna sér málið betur er hægt að:
nálgast frétt Ferðamálastofu hér
lesa nánar um EDEN verkefnið hér
hér er hægt að lesa nánar um Skagafjörð á heimasíðu EDEN.
